«Аб унясенні змянення ў Закон Рэспублікі Беларусь «Аб ратыфікацыі Пратакола да Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 года»
Суб'ект права заканадаўчай ініцыятывы: Савет МіністраўУваходны нумар: (увах. № 4608)
25 кастрычніка 2017 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб унясенні змянення ў Закон Рэспублікі Беларусь «Аб ратыфікацыі Пратакола да Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 года» (далей ― праект Закона), унесены ў Палату прадстаўнікоў Саветам Міністраў Рэспублікі Беларусь 4 жніўня 2017 года.
Праект Закона падрыхтаваны ў адпаведнасці з артыкулам 5 Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 года (далей ― Канвенцыя) з мэтай надзялення ўпраўленняў Следчага камітэта Рэспублікі Беларусь па абласцях і г. Мінску паўнамоцтвамі па ажыццяўленні непасрэдных зносін з кампетэнтнымі органамі дзяржаў ― удзельніц Канвенцыі.
Прыняцце праекта Закона дасць магчымасць устанавіць прамыя кантакты паміж тэрытарыяльнымі следчымі падраздзяленнямі дзяржаў –удзельніц Канвенцыі, паскорыць выкананне даручэнняў аб аказанні прававой дапамогі па крымінальных справах, а таксама будзе садзейнічаць скарачэнню тэрмінаў папярэдняга следства і забеспячэнню прынцыпу няўхільнасці крымінальнай адказнасці за ўчыненыя злачынствы.
Камісія, у якой разглядаецца законапраект: камісія па правах чалавека, нацыянальных адносінах і сродках масавай інфармацыі
Адказны дэпутат: Баранік Васілій Міхайлавіч
Адказны работнік Сакратарыята:
Дабрыян Уладзімір Пятровіч ― загадчык аддзела па падрыхтоўцы законапраектаў і ўзаемадзеянні з Пастаяннай камісіяй па правах чалавека, нацыянальных адносінах і сродках масавай інфармацыі
2. Адно чытанне
Пасяджэнне Палаты прадстаўнікоў: 25.10.2017 25 кастрычніка 2017 года, другое пасяджэнне трэццяй сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні