 |
12 февраля 2008
12 лютага 2008 года адбылося пасяджэнне Пастаяннай камісіі Палаты прадстаўнікоў па адукацыі, культуры, навуцы і навукова-тэхнічнаму прагрэсу з парадкам дня «Аб ходзе работы над праектам Закона Рэспублікі Беларусь «Аб Правілах беларускай арфаграфіі і пунктуацыі» (другое чытанне).
Старшыня Камісіі У.М.Здановіч праінфармаваў дэпутатаў аб тым, якая работа па дапрацоўцы законапраекта да разгляду ў другім чытанні праведзена рабочай групай. Ён паведаміў, што завершаны разгляд Правіл у цэлым, аднак пры гэтым У.М.Здановіч звярнуў увагу на шэраг спрэчных момантаў, па якіх членамі рабочай групы да гэтага часу не знойдзена станоўчае рашэнне. У прыватнасці, гэта датычыць правапісу літар о, э, а ў складаных словах, правапісу спалучэнняў прыставак, прэфіксоідаў і частак слова, што заканчваюцца на цвёрды зычны, з коранем або іншай прыстаўкай, якія пачынаюцца на і, правапісу абрэвіятур.
Прынята рашэнне прадоўжыць работу над праектам Закона Рэспублікі Беларусь «Аб Правілах беларускай арфаграфіі і пунктуацыі» ў складзе рабочай групы да канца лютага бягучага года.
|
|
