Налады
Настройки шрифта
PT Sans
Times New Roman
Размер
A
A
A
Межбуквенное расстояние
Стандартное
Увеличенное
Большое
Цветовая схема
Черным<br/>по белому
Белым<br/>по синему
Палата прадстаўнікоў Нацыянальнага сходу Рэспублікі Беларусь
Сёмае скліканне
Галоўная / Прэс-служба / Інтэрв'ю, выступленні, публікацыі
08.09.2020

Савіных: здзіўлены неразуменнем міжнароднымі партнёрамі працэсаў, якія адбываюцца ў Беларусі

08 верасня 2020

8 верасня, Мінск /Кар. БЕЛТА/. Здзіўлены неразуменнем міжнароднымі партнёрамі тых працэсаў, якія адбываюцца ў Беларусі, заявіў па выніках відэаканферэнцыі ў рамках пасяджэння Камісіі ПАСЕ па палітычных пытаннях і дэмакратыі старшыня Пастаяннай камісіі па міжнародных справах Палаты прадстаўнікоў Андрэй Савіных, перадае карэспандэнт БЕЛТА.

"Я крыху здзіўлены неразуменнем (нашымі міжнароднымі партнёрамі. - Заўвага БЕЛТА) тых працэсаў, якія адбываюцца ў Беларусі. Яны зыходзяць з нейкіх сваіх уяўленняў аб тым, як развіваюцца палітычныя працэсы ў іх краінах, і накладваюць гэтыя ўяўленні на працэсы ў Беларусі. Са свайго боку я пастараўся растлумачыць, што Беларусь рухаецца па шляху развіцця дэмакратычных стандартаў і інстытутаў, але робіць гэта ў інтарэсах перш за ўсё ўласных грамадзян і стабільнага развіцця нашай краіны", - сказаў Андрэй Савіных.

Парламентарый падкрэсліў, мы катэгарычна супраць любых знешніх сіл, якія ствараюць фінансавыя фонды для таго, каб падтрымліваць пратэсныя настроі ў Беларусі. "Фактычна гэта прыводзіць да развіцця сітуацыі па мадэлі "пратэсты ў абмен на заработак". Гэта не вядзе да стабільнасці, гэта ўмацоўвае недавер паміж рознымі сацыяльнымі групамі і ў рэшце рэшт тармозіць развіццё дэмакратычных традыцый, - адзначыў ён. - Я таксама выказаў меркаванне аб немагчымасці знешняга ўмяшання, накіраванага на безальтэрнатыўную перадачу ўлады якой-небудзь трэцяй сіле. Гэта абсурдна. Улада ў Беларусі стабільная, працуе ў інтарэсах усяго грамадства, простых людзей, і мы будзем рэалізоўваць і далей палітыку сацыяльнай дзяржавы".

Андрэй Савіных заявіў, што растлумачыў еўрапейскім партнёрам, што Беларусь зацікаўлена ў шырокім унутраным дыялогу з удзелам максімальнай колькасці легітымных грамадскіх арганізацый для мадэрнізацыі палітычнай сістэмы ў Беларусі. "Гэты дыялог можа ўключаць любыя пытанні, якія маюць інтарэс для беларускага грамадства. Па логіцы ён павінен завяршыцца распрацоўкай новых палажэнняў Канстытуцыі, якая мадэрнізуе і палітычную сістэму Беларусі. Змяненні могуць закрануць выбарчае заканадаўства, законы аб масавых мерапрыемствах, узмоцняць істотным чынам ролю палітычных партый. Але, тым не менш, гэта не ёсць маё меркаванне або рашэнне кагосьці аднаго ў Беларусі. Гэты дыялог павінен стаць вынікам грамадскага абмену думкамі, які выпрацуе ўмовы для палітычнага і эканамічнага развіцця нашай краіны", - канстатаваў ён.

Парламентарый дадаў: "Я сказаў, што мы будзем вітаць удзел нашых міжнародных партнёраў у падтрымцы, экспертным садзейнічанні развіццю гэтага дыялогу пры ўмове, калі нашы партнёры здолеюць забяспечыць адкрыты, узважаны, а галоўнае - дружалюбны і паважлівы ўдзел у гэтым працэсе".

Усе інтэрв'ю