12 мая 2020 года пад кіраўніцтвам Васількова М.А. адбылося пасяджэнне Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы.
У рамках пасяджэння ўдзельнікі разгледзелі ход падрыхтоўкі да другога чытання праекта Закона Рэспублікі Беларусь «Аб змяненні Закона Рэспублікі Беларусь «Аб гідраметэаралагічнай дзейнасці». Дэпутаты былі праінфармаваны аб выніках узгаднення законапраекта з зацікаўленымі, а таксама заўвагах і прапановах, якія паступілі з Нацыянальнага цэнтра заканадаўства і прававых даследаванняў і галоўнага прававога ўпраўлення Сакратарыята Палаты прадстаўнікоў.
Акрамя таго, былі разгледжаны законапраекты, што паступілі з іншых пастаянных камісій, і іншыя пытанні дзейнасці камісіі, па якіх прыняты адпаведныя рашэнні.