23 красавіка 2021 года адбылося пасяджэнне міжведамаснай рабочай групы па распрацоўцы праекта Закона Рэспублікі Беларусь «Аб змяненні законаў па пытаннях донарства крыві і яе кампанентаў».
У пасяджэнні, якое прайшло пад кіраўніцтвам старшыні Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы Макарынай-Кібак Л.Э., прынялі ўдзел намеснік начальніка галоўнага ўпраўлення арганізацыі медыцынскай дапамогі — начальнік упраўлення спецыялізаванай медыцынскай дапамогі Міністэрства аховы здароўя Мігаль Т.Ф., начальнік юрыдычнага аддзела Міністэрства аховы здароўя Бабчанок А.А., дырэктар ДУ «РНПЦ трансфузіялогіі і медыцынскіх біятэхналогій» Карпенка Ф.М., намеснік дырэктара ДУ «РНПЦ трансфузіялогіі і медыцынскіх біятэхналогій» па арганізацыйна-метадычнай рабоце Чабатароў А.А., галоўны саветнік упраўлення сацыяльнага заканадаўства Нацыянальнага цэнтра заканадаўства і прававых даследаванняў Купрыянава Н.М.
У ходзе пасяджэння яго ўдзельнікі абмеркавалі прапановы Камітэта дзяржаўнага кантролю, якія паступілі па дадзеным законапраекце.
У прыватнасці, былі разгледжаны пытанні, што тычацца ажыццяўлення інспектавання субʼектаў абарачэння крыві і яе кампанентаў на прадмет іх адпаведнасці Правілам належнай практыкі субʼектаў абарачэння крыві, яе кампанентаў, правядзення расследавання выпадкаў цяжкіх посттрансфузійных ускладненняў, а таксама рэгулявання валанцёрскай дзейнасці.
Па выніках абмеркавання выпрацаваны ўзгодненыя рашэнні. Работа па падрыхтоўцы законапраекта будзе прадоўжана.