23 верасня 2022 года ў Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі адбылося пасяджэнне рабочай групы па падрыхтоўцы да разгляду праекта Закона Рэспублікі Беларусь «Аб змене Закона Рэспублікі Беларусь «Аб грамадзянстве Рэспублікі Беларусь».

У пасяджэнні пад кіраўніцтвам намесніка старшыні Пастаяннай камісіі Ананіч Л.С. прынялі ўдзел прадстаўнікі Нацыянальнага цэнтра заканадаўства і прававых даследаванняў Рэспублікі Беларусь, зацікаўленых міністэрстваў і ведамстваў, а таксама работнікі сакратарыятаў Савета Рэспублікі і Палаты прадстаўнікоў.

Удзельнікі пасяджэння дэталёва абмеркавалі заўвагі і прапановы. Па выніках абмеркавання прынята рашэнне прадоўжыць дапрацоўку законапраекта з улікам выказаных на пасяджэнні меркаванняў.