Налады
Настройки шрифта
PT Sans
Times New Roman
Размер
A
A
A
Межбуквенное расстояние
Стандартное
Увеличенное
Большое
Цветовая схема
Черным<br/>по белому
Белым<br/>по синему
Палата прадстаўнікоў Нацыянальнага сходу Рэспублікі Беларусь
Сёмае скліканне
29.01.2020

28 студзеня 2020 года пад старшынствам М.А.Васількова прайшло пасяджэнне Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы.

У ходзе пасяджэння разгледжаны ход падрыхтоўкі праекта Закона Рэспублікі Беларусь «Аб змяненні Закона Рэспублікі Беларусь «Аб гідраметэаралагічнай дзейнасці». Дэпутат Васількоў М.А., адказны за падрыхтоўку дадзенага законапраекта, праінфармаваў членаў Пастаяннай камісіі аб стане яго падрыхтаванасці і тэрмінах разгляду законапраекта ў адпаведнасці з графікам падрыхтоўкі пытанняў пастаяннымі камісіямі для разгляду на другой сесіі Палаты прадстаўнікоў Нацыянальнага сходу Рэспублікі Беларусь сёмага склікання.

У рамках падрыхтоўкі законапраекта абмеркавалі пытанне аб правядзенні выязнога пасяджэння Пастаяннай камісіі на базе дзяржаўнай установы «Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя» ў мэтах вывучэння практыкі прымянення Закона Рэспублікі Беларусь «Аб гідраметэаралагічнай дзейнасці».


На пасяджэнні разгледжана прапанова Міністэрства прыродных рэсурсаў і аховы навакольнага асяроддзя Рэспублікі Беларусь аб неабходнасці і актуальнасці ўнясення змяненняў у законы Рэспублікі Беларусь «Аб ахове навакольнага асяроддзя» і «Аб жывёльным свеце» ў частцы дапаўнення іх прававымі нормамі, якія рэгулююць адносіны ў рамках Нагойскага пратакола, якія тычацца доступу да генетычных рэсурсаў і сумеснага выкарыстання на справядлівай і роўнай аснове выгад ад іх прымянення і канфіскацыі дзікіх жывёл. Па выніках абмеркавання гэтага пытання дэпутатамі прынята рашэнне працягнуць кансультацыі з зацікаўленнымі па пытанні распрацоўкі адпаведнага нарматыўнага прававога акта.


Таксама разгледжаны шэраг законапраектаў, якія паступілі з іншых пастаянных камісій. Так, дэпутаты абмеркавалі праекты законаў Рэспублікі Беларусь «Аб змяненні Закона Рэспублікі Беларусь «Аб трацейскіх судах», «Аб змяненні законаў па пытаннях рэкламы», «Аб змяненні законаў па пытаннях кантрольнай (нагляднай) дзейнасці» і «Аб змяненні законаў па пытаннях гаспадарчых таварыстваў».

Па выніках абмеркавання прынята рашэнне актывізаваць работу, накіраваную на дапрацоўку законапраектаў, і пры неабходнасці накіраваць прапановы па іх удасканаленні ў адпаведныя камісіі Палаты прадстаўнікоў.

На пасяджэнні былі разгледжаны іншыя пытанні, што тычацца дзейнасці камісіі, і прыняты адпаведныя рашэнні.


Усе навіны