28 верасня 2020 года пад кіраўніцтвам Васількова М.А. адбылося пасяджэнне Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы.
У ходзе пасяджэння былі падведзены вынікі работы камісіі ў міжсесійны перыяд, абмеркаваны задачы, якія стаяць перад парламентарыямі на бягучы перыяд, сфарміраваны план работы да канца года.
Разгледжана пытанне аб падрыхтоўцы да другога чытання праекта Закона Рэспублікі Беларусь «Аб змяненні Кодэкса Рэспублікі Беларусь аб нетрах». Дэпутаты былі праінфармаваны аб выніках яго ўзгаднення з зацікаўленымі.
Акрамя гэтага, парламентарыі абмеркавалі законапраекты, што паступілі з іншых пастаянных камісій («Аб абароне персанальных даных», «Аб турызме»), і прынялі адпаведныя рашэнні.