Курсевіч Валянціна Вацлаваўна

Нарадзілася 13 мая 1965 года ў в. Суботнікі Іўеўскага раёна Гродзенскай вобласці.

Адукацыя вышэйшая — скончыла Мінскі дзяржаўны медыцынскі інстытут па спецыяльнасці «Лячэбная справа»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне». Аўтар больш за 20 навуковых артыкулаў па праблемах кардыялогіі і рэўматалогіі.

Працавала ўрачом выязной брыгады станцыі хуткай медыцынскай дапамогі Мінскага раёна; урачом-кардыёлагам Мінскага раённага тэрытарыяльнага медыцынскага абʼяднання; урачом-кардыёлагам, урачом-рэўматолагам, намеснікам галоўнага ўрача па медыцынскай частцы Мінскай ордэна Працоўнага Чырвонага Сцяга абласной клінічнай бальніцы; загадчыкам кардыялагічнага аддзялення 2-й гарадской клінічнай бальніцы г. Мінска.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь шостага склікання, была намеснікам старшыні Пастаяннай камісіі па ахове здароўя, фізічнай культуры, сямейнай і маладзёжнай палітыцы.

Узнагароджана Ганаровай граматай Нацыянальнага сходу Рэспублікі Беларусь, нагрудным знакам Міністэрства аховы здароўя «Выдатнік аховы здароўя Рэспублікі Беларусь».

Замужам, мае сына.

• «Аб змяненні законаў па пытаннях аховы здароўя, донарства крыві і яе кампанентаў»
  Прыняты ў другім чытанні
  
• «Аб змяненні законаў па пытаннях аховы здароўя і аказанні псіхалагічнай дапамогі»
  Прыняты ў другім чытанні
  
• «Аб змяненні Закона Рэспублікі Беларусь «Аб лекавых сродках»
  Прыняты ў другім чытанні
  
• «Аб змяненні Кодэкса Рэспублікі Беларусь аб шлюбе і сям’і»
  Спынены разгляд (законапраект увайшоў у склад іншай / іншых законапраектаў)
  
• «Аб змяненні Закона Рэспублікі Беларусь «Аб санітарна-эпідэміялагічным дабрабыце насельніцтва»
  Прыняты ў другім чытанні
  
• «Аб унясенні дапаўнення ў Грамадзянскі працэсуальны кодэкс Рэспублікі Беларусь»
  Прыняты ў другім чытанні
  
• «Аб унясенні змяненняў і дапаўненняў у некаторыя законы Рэспублікі Беларусь па пытаннях дзяржаўных дапамог сем’ям, якія выхоўваюць дзяцей»
  Прыняты ў другім чытанні