Масейкаў Аляксандр Анатольевіч

Нарадзіўся 26 ліпеня 1971 года ў г. Магілёве.

Адукацыя вышэйшая — скончыў Магілёўскі дзяржаўны педагагічны інстытут па спецыяльнасці «Фізічная культура».

Працаваў трэнерам-выкладчыкам па веславанні на байдарках і каноэ Магілёўскага аблсавета «Дынама»; інструктарам фізкультуры Магілёўскага абласнога спартыўнага камітэта; спартсменам-інструктарам зборнай каманды СССР па веславанні на байдарках і каноэ, спартсменам-інструктарам зборнай каманды рэспублікі па веславанні на байдарках і каноэ Дзяржкамспорту; спартсменам-інструктарам зборнай каманды рэспублікі па веславанні на байдарках і каноэ Міністэрства спорту і турызму Рэспублікі Беларусь; загадчыкам вяслярнай базы дзяржаўнай спецыялізаванай вучэбна-спартыўнай установы «Абласная школа вышэйшага спартыўнага майстэрства» г. Магілёва; дырэктарам дзяржаўнай спецыялізаванай вучэбна-спартыўнай установы «Магілёўская абласная дзіцяча-юнацкая спартыўная школа па вяслярных відах спорту»; дырэктарам дзяржаўнай спецыялізаванай вучэбна-спартыўнай установы «Магілёўскі абласны цэнтр алімпійскага рэзерву па вяслярных відах спорту».

Выбіраўся дэпутатам Магілёўскага абласнога Савета дэпутатаў 27-га і 28-га скліканняў.

Чэмпіён Алімпійскіх гульняў, трохразовы чэмпіён свету, сярэбраны прызёр чэмпіянату Еўропы.

Заслужаны майстар спорту СССР па веславанні на байдарках і каноэ.

Ганаровы грамадзянін г. Магілёва.

Узнагароджаны Ганаровай граматай Вярхоўнага Савета Рэспублікі Беларусь.

Жанаты, мае сына і трох дачок.

• «Аб змяненні законаў па пытаннях фізічнай культуры і спорту»
  Прыняты ў другім чытанні
  
• «Аб турызме»
  Прыняты ў другім чытанні